Aasaanerani umiarsualivimmi ikiortitut atorfik

Aasaq manna aasaanerani suliffitsinni suleqataalerusuppit?

Sikuki Nuuk Harbour A/S inummik eqeersimaarlunilu ilakkuminartumik sulisussarsiorpoq, Umiarsualivimmi allaffitsinni suleqataarusuttumik, tunngaviatigut septemberi ilanngullugu sulisussamik.

Suliarisartagassatit
Umiarsualivimmi ikiortit allat peqatigalugit umiarsulivimmi allaffitsinni suliassat nalinginnaasut suliarisassavatit, soorlu umiarsuarnik sinniisaasunillu oqaloqatiginninnerit, nakkutilliinerit, assiaqusiussanik piaanerit umiarsualivimmilu nunaminertanik nakkutiginninnerit. Aamma kiffartuussissutinik tuniniaasarneq isumagisassavat kiisalu umiarsualivimmiinermi akiliisitsinissat umiarsuarnullu akit isumagisassallugit kiisalu ISPS isumannaallisaanerillu isumagisassavatit. Suliassat aaqqissuunneqassapput illit piginnaaneqassutsitit tunngavigalugit. 

Piginnaaneqarfigisassatit
Iluaqutaassaaq imarsiornermut tunngasunik ilinniagaqarsimasuuguit imal. umiarsualivinni containerinillu inississuivinni sulinernik misilittagaqaruit, kisiannili pingaarnerpaavoq isumagisaartuunissat, assannik sullerisuunissat suliassanullu sunulluunniit eqqumaarissuunissat. Pitsaaqutaassaarlu kalaallit, qallunaat tuluillu oqaasiinik atuisinnaasuuguit. Piffissat suliffissat nikerarsinnaanerat eqaassuseqarfigissavat. 

Qinnuteqaatit umiarsualivimmi allaffimmut tunniunneqarsinnaapput imal. kingusinnerpaamik 16. maj 2019 uunga nassiunneqarlutik:  jr@sikuki.gl

Aningaasarsiat atorfininnermullu tunngasut:
Aningaasarsiat atorfininnermullu tunngasut piginnaasarisat tunngavigalugit inissinneqassapput.Atorfimmut atatillugu inissaqartitsisoqanngilaq. Sapaatip akunnerani akunnerit suliffissat 40-pput atorfillu piaarnerpaamik inuttalerusunneqarpoq. 

Paasissutissiisutissat allat
Umiarsualivimmi ikiortitut piffissaligaasumik sulilernissaq kajungerigukku, aammalu sukumiinerusunik paasisaqarumallutit, taava attaveqarfigisigut uunga sianerlutit +299 31 40 30. Tusarfiginissat qilanaaraarput!

Uani Sikuki Nuuk Harbour a/s pillugu paasissutissat takukkit: http://www.sikuki.gl.