Sikuki-p oqaluttuassartaa

Sikuki Nuuk Harbour A/S pilersinneqarpoq december-imi ukioq 2013. Nuummili umiarsualiveqarnerup allilerneqarnissaa ukiut 15-it sinnerlugit matuma siornali kissaatigineqalerpoq.

Nuup Umiarsualivia Kalaallit Nunaanni annersaavoq imaatigullu assartuinermi qitiusumik pingaaruteqartuulluni. Ukiunili arlaqalersuni Nuup Umiarsualivia isumagisinnaasanut inorsariartorsimavoq, allisarneqarnissamik pisariaqartitsilersimalluni. Umiarsualivimmillu allilerinissaaq ukiorpassuarni oqallisaasarsimavoq.

Sikuki Nuuk Harbour A/S-iliornermi siunertaavoq Nuummi umiarsuialiveqarfimmi sanaartortitsinissaq, piginnittuunissaq inerisaanissarlu aamma eqqarsaatigalugit suliffeqarfiit umiarsualiveqarnermut attuumassuteqartut.  Sikuki Nuuk Harbour A/S –ilu pilersinneqarpoq 23. december 2013, sivisuumik oqalisaareerluni. Pilersitsinermik piviusunngortitsineq  ilaatigut pivoq AssartuineqPpillugu Ataatsimiititaliartsuup 2011-imi inassutai tunngavigalugit. Tassanimi eqikkaanermi taaneqarpoq Nuummi nutaamik umiarsuaviliorneq inuiaqatigiit aningaasaqarnerat eqqarsaatigalugu sinneqartooruteqartitsissasoq taamaattumillu Ataatsimiititaliarsuarmit inassutigineqarluni Nuummi nutaamik umiarsualiviliortoqassasoq.

Februar 2015 SIKUKI-mit  Per Aarsleff Grønland ApS tamakkiisumik nutaamik container-terminal-iliornissamik isumaqatigiissuteqarfigineqarpoq. Isumaqatigiissut ilusilerneqarpoq sioqqutsisumik suliarinnittussarsiuussineq kingornalu suliarinnittussarsiuussisoqarneq aallaavigalugit tamannalu ingerlanneqarpoq 2014-imi.

Umiarsualiviit pillugit Inatsisartut Sikuki Nuuk Harbour tunngavigalugu inatsisiliaat marloqiusaasoq junip qaammataagaa ukioq 2015 saqqummiunneqarpoq: Siulleq tassaavoq Inatsisartut inatsisaat nr. 9 3. juniu 2015-imeersoq Kalaallit Nunaanni umiarsualivinnik atuinermi akiliisalernissamik oqariartuuteqartoq aappaalu tassaalluni Inatsisartut inatsisaat normu 17 juni 3-ani 1915-imeersuusoq SIKUKI Nuuk Harbour A/S-imik umiarsualivimmilu sanaartornissanik imaqartoq piginneqatigiiffiup siunertassaanik aammalu nutaanik sanaartornissanik imaqartoq, (inatsisiliallu taaneqartut tamarmik takuneqarsinnaapput www.lovgivning.gl iserfigalugu.

Attartornissamik isumaqatigiissuteqarneq
Kalaallit Nunaannut Kalaallit Nunaanniillu container-inik assartuineq SIKUKI-mut qitiusorujussuupput ukiunilu siullerni container-inik assartuineq piginneqatigiiffiup isertitaasa 95%-erissavaat. Royal Arctic Line cotainer-inik nunatsinnut nunatsinniillu assartuinissamut kisermaassisuutitaavoq taamaattumillu Royal Arctic Line-ip attartornissamik isumaqatigiissuteqarfiginissaa umiarsualiviliornissamut aaliangiilluinnartuulluni. Attartornissaalu junip qaammataagaa ukioq 2015 inissippoq.

Aningaasalersuinissaq
Inissittariaqartuutt taaneqartut inissinneqarnerisigut juni-mi siulersuisut erniakitsumik aningaasalersuisinnaanermik isumaqatigiissuteqarsinnaalerput. Aningaasalersuineq aammalu isikkussamik iluarsaassineq, kiisalu sanaartornissamik akikinnerulersitsineq, SIKUKI-p pilersinniarnerani siullermeersunik naatsorsuutigisanit appasinneru-ngaatsialersippaat. Soorlu assersuutigalugu Royal Arctic Line-ip attartornermini akiliutissai 25%-inik ikileriartinneqarput.

Sanaartorneq ingerlarsoriartulersoq 
Qeqertat-ni sanaartorneqartussanngorpoq containerterminal-issaq tamatumalu inissamik, taamalu imminut akilersinnaasumik, sulisinnaalernissamut atatillugu unammillernartuusut aaqqttiippai. Umiarsualivimmilu nutaami neqeroorutigineqarsinnaalissaaq sukkanerusumik umiarsuarnik sullissisinnaanissaq kran-ersuarnik nunamiittunik teknik-ikkut siuarsimanerusunik sullississuteqarsinnaalernikkut.  Umiarsualiviup aamma allineratigut suliffeqarfiit umiarsualiveqarnermik aallaaveqartut allisarneqarsinnaalissapput suliassaqarnerulersinneqarlutillu, soorlu assersuutigalugu kilisaatinik, takornariartaatinik siunissamilu misissuinissat iluini.