Tulattarfissap suliarinera

 

Umiarsualivittaassami tulattarfissaq saviminernik maggussuussanik (spunsjern) iikkerlugu kingorna qaartiterinermit piiakkanik immersuinertalimmik suliarineqarpoq.  Tulattarfissaq pingaarneq 310 meterisut takissuseqassaaq maanna tulattarfiusup akiani inissisimassalluni. Saniatigullu terminaleqarfissap avannaata tunginnguani tulattarfik minneq alla pilersinneqassaaq.

Sanaartornermi savimernit maggussuussat 1,4 meterikkuutaartut 310-t atorneqassapput immersuinermilu qaartiterinernit piiakkat 320.000 m3-t atorneqassallutik. Immersuutitut annertunerusumik atorneqassapput Qeqertami Naaralaartitsivilimmilu qaartiterinernit pissarsiarineqartut.

Tegning 4050 0 

Tulattarfissap avannaata tungaani saviminernit iigassat (spunsjern) immap naqqanut sukkasuumik sajukulaartitsinikkut maggussuunneqassapput. Iikkiap saavani immap naqqa itissutsimigut assigiissarneqassaaq kiisalu sisoornaveersaasiissoqassalluni immap naqqani iikkamik tigummisut nikitsaaliorlugit.

Tegning 3200 2

Tulattarfissap kujataata tungaani immap ataani qaarsoq itissusissamit qatsinneruvoq. Tamanna qaartiterlugu aaqqiisoqassaaq. Iigassat (spunsjern) qaarsumut maggunneqarsinnaanngillat, taamaattumik ikkussivissaannik amitsumik itisileraluni sipisaliorluni qaartiterisoqassaaq 4 meterisut ititigisumik, tassu-ngalu iigassat pulatinneqarlutik (qaarsumi sipisaliap iigai tigummisuliullugit) napparneqassapput.

Tegning 3200 1

Iigassap saava sioqqanik ujaraaqqanillu immerneqassaaq sisoornaveeqqusiillunni,  ujaqqat annerit qaavanut ilioqqartinnagit ujaqqat annerpaat qallinngorlugit. Iikkiap tunuani ikkussivissatut sipisaliaq terminaleqarfissap immersuilluni suliarineranut ilanngullugu immerneqassaattaaq.