28.04.17 12:00

Sikuki-p ukiumut naluaarutaani angusat naatsorsuutigisatut ipput

Sikuki Nuuk Harbour A/S 2016-imi akileraareernerup kingorna 2 million koruuninik amigartooruteqarpoq

Sikuki Nuuk Harbour A/S 2016-imi akileraareernerup kingorna 2 million koruuninik amigartooruteqarpoq

Piginneqatigiiffiup ukiumut 2016-imut nalunaarutaa 26. april 2017 piginneqatigiiffiup ataatsimeersuarnerani akuerineqarpoq.

Piginneqatigiiffiup ukiup pingajussaanik naatsorsuutai akileraarneq pitinnagu amigartoorutinik 2,9 mill. koruuniusunik amigartooruteqarfiuvoq akileraareernerullu kingorna amigartoorutit 2,0 mill. koruuniullutik. 2015-imi akileraartinnani amigartoorutit 2,5 mill. koruuniupput akileraareernerullu kingorna 1,6 mill. koruuniullutik.

Natsorsuutigineqaraluartutut umiarsualivittaap novemberimi 2016-imi atulernissaata pinngitsoornera eqqarsaatiginngikkaanni, aningaasatigut angusat naatsorsuutigisatut isikkoqarput. Taamaattumillu angusat siuilersuisunit naammaginartutut isigineqarput.

Siulersuisut qinigaaqqipput Lars Karlsson siulittaasoralugu.

Ingerlanneqartut

2016-imi Sikukimit qitiutinneqarsimapput umiarsualivioreersumik ingerlatsinermik tigusineq aammalu atuisartunut akiliisitsisalerneq. 

Kiisalu piginneqatigiiffimmit isumagineqarsimapput pilersaarusiaasunik ingerlanneqartunik aqutsinerit aammalu Qeqertani umiarsulivimmik allilerinerup malittarinera. Containerterminalitaassamik sanaartorneq tassungalu atasumik illuliornerit ilaasut kinguartoornikuupput entreprenøriusullu naatsorsuutigivaa sanaartorneqartut aatsaat tunniunneqarsinnaassasut 2017-ip ingerlanerani. Naatsorsuutigineqarporlu suliarineqartut missingersuusiaasimasut iluini naammassineqarsinnaajumaartut.

Allannguinerit, kinguaattoornerit unammiugassallu allanngortinngilaat, Kalaallit Nunaat nutaaliamik siunissamullu naleqquttumik umiarsualiviuunneqariartormat, nunatta sinnerani attavilersugaanermut periarfissanullu pingaaruteqalersussamik, tamannalu anguniarlugu sulineq 2017-imi ingerlatiinnarneqassaaq. 

Annertunerusunik paasiniaaumasut innersuukkumaneqarput siulersuisuni siulittaasumut Lars Karlsson-imut imal. pisortamut John Rasmussenimut sikuki@sikuki.gl